Четврти Симпозиум Аптекарска Здравствена Заштита – Процес на управување со терапија (МТМ), Хипертензија, дислипидемија и обезност – Смарт Фармацевт модул 4

Ми претставува огромна чест и задоволство, во името на Здружението на приватни аптеки на РС Македонија (ЗПАРСМ) да Ве поканам на  Четвртиот Симпозиум Аптекарска Здравствена Заштита  кој ќе се  одржи на 14 и 15.11.2025 во хотел Хилтон во Скопје.

Тема на овој Симпозиум е  Процес на управување со терапија (МТМ) кај хипертензија, дислипидемија и обезност – Смарт Фармацевт модул 4.

Преку богата програма, симпозиумот ќе понуди предавања од врвни меѓународни и домашни експерти, вклучително и Аријана Мештровиќ (Pharma Expert) и Мајкл Роус (American Pharmacist Association – APhA), кои ќе ги споделат најновите трендови и добри практики во процестот на управување со терапијата (МТМ).                                                                                           Управувањето со терапијата (МТМ), особено кај состојби како што се хипертензијата, дислипидемијата и дебелината – станува клучен сегмент од современата фармацевтска пракса на фармацевтите во аптеките и болничките фармацевти.

Ќе бидат опфатени повеќе аспeкти:

• Улогата на фармацевтот во јавно здравство – трендови во пракса,
• Нови трендови и добри практики во едукацијата, специјализацијата и клиничката имплементација на MTM моделите.
• МТМ модел на Американската фармацевтска асоцијација (APhA)
• Управување со терапија – клинички аспекти, одлуки во процесот на МТМ во случаи од пракса кај хипертензија, дислипидемија, обезност – 10 сложени случаи од пракса
• SWOT – анализа и бизнис план МТМ
• Управување со промени во МТМ
• Улогата на болничките фармацевти – глобален преглед
• Интегриран и мултидисциплинарен пристап – соработка со матични лекари, специјалисти и други здравствени работници

Нашата цел е да понудиме практични знаења, алатки и инспирација за фармацевтите како дел од мултидисциплинарните тимови за унапредување на здравјето на пациентите.

Ви се заблагодарувам за поддршката.

Со почит,
М-р.Фарм. Џоана Андоноска
Претседател на ЗПАРСМ